رديات

رديات – الشاعر تركي الكربي – الشاعر و الرامي الدولي سعيد المري

وش رايـكم في شاعر(ن) يسهر الليل
والصبح يظهر مالفى النوم عينه
و الـضو تـوه والـنجر والـمعاميل
والشمس يلهب حرها في جبينه
وادري عقب شده تراها تساهيل
و الـهـم تو الـهـم ولـت سـنـينه
واحس نفسي قانعه مابقي حيل
وادعي الولي يبري الجروح الدفينه

الشاعر تركي الكربي

الراي واضح مايبي زود تحليل
ومجربين الوضع و مقدرينه
اقرا كتاب الله ورتله ترتيل
والرجل ينقص كل مانقص دينه
الضيق مايعرف صدور المهابيل
ماهو يعرف الا الرجال الرزينه
اللي على الطاله يشوف الغرابيل
ومشغل(ن) فكره ومتعب يدينه

الشاعر سعيد المري

ماضهرت انا لـوضاع من قلة الحيل
ولا شـكـيـت من الـقـهر و الغـبينه
وكل(ن) يجيه من الزمن ذا غرابيل
ولا نـقـول الا عـسـى الله يـعـيـنه
و الحمد لله مـرهي الـكف حلحيل
ولا أقـدم الا الـجـازيـه و الـسمينه
مـصلي فـروض الـولي وافي الكيل
وكل(ن) مصيره منكتب في جبينه

الشاعر تركي الكربي 2